Vixésima primeira edición (2017-2018)

Xa hai data para a Festa Voz Natura deste ano. Será o próximo 2 de xuño no parque deportivo de Acea de Ama, no municipio de Culleredo. Esta gran celebración de fin de curso con todo tipo de talleres e actividades lúdicas e deportivas. Cada ano acoden ao evento miles de escolares de toda Galicia. Os asistentes poderán ver tamén a exposición que reúne todos os traballos realizados por realizados polos 350 centros que participan leste curso centros ao longo do curso en Voz Natura e que sempre sorprende aos visitantes coas súas ideas. Os alumnos que destacasen co seu labor para protexer a natureza durante o curso recibirán os galardóns que o comité científico outorga nas súas distintas categorías. Os estudantes do colexio San Salvador de  Teis, de Vigo, foron os gañadores do gran premio Galicia na última edición, na que o programa de educación ambiental de La Voz de Galicia desenvolvido pola Fundación Santiago Rey Fernández-Latorre cumpriu vinte anos. 

Os asistentes á festa poderán acceder ás instalacións do Parque Acea de Ama a partir das 11.00 horas. A festa concluirá ás 19.30. Durante oito horas e media nenos e non tan nenos gozarán de inchables, diferentes talleres do programa Prensa-Escola nos que poderán sentirse reporteiros.

A organización, que contará con máis de duascentas persoas de distintas empresas, asociacións e da Corporación Voz, despregará durante esta xornada un amplo dispositivo para garantir a seguridade e regular o tráfico de toda a zona para que as familias poidan acudir ao recinto con tranquilidade. 

A páxina da internet de Voz Natura irá incorporando información interesante para o público, como o programa completo de actividades e horarios, un completo plano do parque, indicacións e recomendacións para acceder á área da festa. Tamén, as diferentes rutas de autobuses que estarán dispoñibles para os asistentes. #FaiGaliciaVerde.